dostluq və seks
| sosial5,707 | 6 | 41
əjdahalar googlla
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Hamısını bir-bir diqqətlə oxuya bilməsəm də, müəyyən qədər yuxarıda adını çəkdiyim başlığa göz atdım və gördüyüm şey mənim baxdığım aspektdən eyni idi: bir tərəf deyir ki, "oğlanın cinsi istəyi olur deyə qızla dostluğu mümkün deyil", digər qrup da deyir ki "yoo, cinsi olaraq istək duyulmayan qızlar da var, onlarla dostluq əladı". Dolayı yolla hər iki tərəf də seks'i dostluq ilə eyni gözə qoymur. Amma məncə, olar. Oxuyan hər qəbildən insanın başa düşməsi ümün niyəsini çox bəsit, sadə formada, etap-etap izah edəcəyəm ki, anlaşıqlı olsun. Bunun üçün də elə ən başdan başlamalıyıq.
dost nədir?
Google-da bir neçə dildə yüngülvari yazıb qısa xülasəsini çıxarsaq, dost - bir-birinə güvənən, etibar edən, aralarında sevgi, hörmət, mehriban münasibət və səmimiyyət olan 2 tanış insandır. Bu tərifi mütləq şəkildə yadda saxlamaq lazımdır. Zira böyük əksəriyyət dost sözünün anlamını bilmədiyi üçün zehinlərində şüursuzcasına bir qəlib formalaşdırıb. Yəni bundan sonra mən hər "dost" işlədəndə qayıdıb bu xülasəni mütləq şəkildə təkrarlamaq lazımdır, beynimizdəki qeyri-müəyyən və mücərrəd dost anlayışını düşünmək yox. Əslində, xırdalığına getsək, ətrafımızda "dostumdu" dediyimiz əksər şəxslə heç də səmimi və etibar dolu münasibətimiz olmadığını(ki, bunlar dostluğun ən əsas təməlləridir), əlaqələrimizin sadəcə səthi tanışlıq ehtiva etməsini anlamaq çətin deyil. insanın az sayda dostu olur, qalan böyük çoxluq sadəcə "tanış"lardır.
Burası aydın olduqdan sonra məlum başlıqda yazarları 2 yerə bölən ən önəmli nüansı - seksi aydınlaşdırmalıyıq (təbii ki, insan üzərindən irəliləyəcəyik).
seks nədir?
seks - nəsil artırmaq və ya həzz, cinsi tətminlik yaşamaq üçün olan genital əlaqədir. ("və ya" sözünə xüsusi vurğu etməyimin səbəbi aşağıda aydınlaşacaq)
Bunu da aydınlaşdırdıqsa, əks cinslərin dostluq münasibəti qura bilməyəcəyini deyən və bunu iki cins arasındakı seks istəyinə bağlayan insanların özünə verməli olduğu vacib bir neçə sualı verməliyik: kim deyib ki, seks dostluğu pozur? Harada yazılıb ki, seks və dostluq tərəzinin eyni gözündə ola bilməz? bunlar nəyə əsaslanır?
Cavab sadədir: bu iki şeyin - seks və dostluğun eyni pillədə dura bilməyəcəyini demək əllə tutulacaq xüsusi əsası olmayan bir şeydir. Şəxsən mən bunun sosial cəhətdən təməl səbəblərdən birinin də insanların normal şəkildə "mənim sənə romantik(və ya cinsi) duyğularım yoxdur" demək yerinə, "mən səni dost kimi görürəm" tipli ifadələr işlətməsi olduğunu düşünürəm.
Ümumiyyətlə, gəlin elə yenidən qısaca seksin özünə fokuslanaq. Dedik ki, birinci təməli nəsil artırmaqdır. Lakin biz bir də "və ya" işlətdik axı. Yəni kompleks canlı olaraq biz insanlar çox az sayda canlıdan biriyik ki, seksi həzz almaq üçün də edirik. Ona görə də seksin ikinci, yəni həzz tərəfinə baxaq. Amma ilk öncə həzzin nə olduğunu bilməliyik. Dedik axı, hər şeyi sadələşdirmək və izah vermək lazımdır ki, gərəksiz düşüncə formalarından qurtulaq.
Sual: həzz nədir?
Cavab: həzz - xoş bir şeydən duyulan ləzzət, zövqdür. Seks olmasın, olsun musiqi dinləmək, yağışın altında gəzmək, foto/rəsm çəkmək, səyahət etmək, film izləmək, kitab oxumaq, qeybət etmək və s. və ilaxır hər-hansı bir şeydən duyulan həzz. Demək istədiyim odur ki, fokuslanmalı olduğumuz şey həzzin özüdür. Niyə digər həzzləri dostlarla(dost deyərkən başda dediyim xülasəni təkrar düşünək) etmək okeydir də, cinsi həzz almaq yox? Cinsi əlaqənin dostluğu, yəni iki insanın mehriban, səmimi və güvən duyduğu əlaqəyə zərəri tam olaraq nədir ki, biz buna qarşı çıxırıq? Niyə seksi ya flört, sevgililik, ya da hansısa clubda, barda, partidə tanış olduğumuz insanla 1 gecəlik əlaqə səviyyəsində olunan bir şey halına gətiririk? (yeri gələndə bunlar da şəxsi seçimdi, okeydi. Amma və lakin arada heç bir seksual cəzb olmadığını göstərmək üçün "yox e, o mənim dostumdu" demək yox). Ətrafda məxsusi duyğusal bağlılıq istəməyən, romantik əlaqəyə açıq olmayan içi mən qarışıq o qədər insan var, hansı ki hərəsi həyatında başqa bir şeyə fokuslanıb. indi bunlar neçə sekslə məşğul olsun? Oğlan hər dəfə gedib mexaniki idman kimi fahişə/eskort/seks işçisi (adına nə deyirsinizsə, deyin) ilə olsun? ya az öncə dediyim kimi günübirlik seksual münasibətlər yaşasın? Yoxsa hər iki cins də porno izləyib masturbasiya edərək oturub gözləsin ki, haçan flörtü, sevgilisi, romantik münasibətdə olacağı biri olacaq və seks yaşayacaq? Gəlin özümüzü aldatmayaq, bu suala səmimi cavab verək: bəyəm qızlı-oğlanlı kim çıxıb deyə bilər ki, etdiyi masturbasiyaların böyük əksəriyyətində gələcəkdə həyat yoldaşı olaraq gördüyü, aşiq olduğu insanı düşünür? Bəyəm sizdə heçmi olmayıb ki, ətrafınızda çox istədiyiniz, cani-könüldən xoşbəxtliyini, yaxşılığını arzuladığınız, yanında özünüzü məmnun hiss etdiyiniz, çətin gündə bir-birinizə kömək olduğunuz, sözünüz tutan və yeri gələndə həyatın müəyyən anında(bu, xoş bir söhbət, keçirilən əyləncəli vaxt və s hər-hansı an ola bilər) cinsi olaraq da cazibə hiss etdiyiniz biri olsun? Hansı ki onu təsəvvürünüzdə sevgili, gələcək həyat yoldaşı kimi xəyal etmirsiniz(axı bayaq da dedik: həyatda prioriteti evlilik, sevgililik, romantik bağlılıq olmayan çox insan var). Şəxsən məndə olub, indi də olur. Ona görə də bu sualı, necə deyərlər, "papağı qabağına qoyub" düşünmək lazımdır: Qarşılıqlı tətminlik, məhrəm duyğuları və anları bölüşmək üçün elə səmimiyyət, yaxınlıq, etibar duyduğun insanı seçməkdən daha məntiqli nə ola bilər?
Mən ən son bu mövzunu oturub müzakirə edərkən bunları deyəndə dediyimi fuckbuddylik ilə qarışdırmışdılar, lakin elə deyil. Burada məqsəd fuckbuddy məsələsində olduğu kimi cinsi münasibət deyil; seks, "dostluq ağacı"nın sadəcə bir budağıdır.
Həm də ki sağlam bir münasibət, mehriban bir əlaqə və üstügəl də qarşılıqlı bir cinsi çəkim varsa, bundan gözəl nə ola bilər? Möhtəşəm bir münasibətdir. insanın ömrü uzanır. həyatdan məmnunluğu artır. Nə gərəksiz qısqanclıqlar var, nə bir-birbirinin həyatına müdaxilə, nə "niyə yazıb-eləmirsən?" kimi triplər, nə də başqa bir şey. Hər iki tərəf başın salır öz həyatı ilə məşğul olur, həyatlarında məqsəd qoyduqları hədəflərinə doğru addımlayır. Gərəkli anda sirdaş, dərd ortağı, gərəkli anda xoşbəxtliyini bölüşdüyün yoldaş, lazım gələndə də rəngli bir partnyor. Üstəlik, belə olanda insan qarşı cins barədə inanılmaz bir təcrübə toplayır. (hesabım açılanda mesajlar arasında "qızlar haqqında bu qədər şeyi hardan öyrənmisən?" sualı vardı, yəqin ki cavabı bu entridən almış olar. Az-çox nəsə bilirəmsə, elə bu cür dostluqlardan qazanmışam).
Hə, bəs seks dostluqda mütləqdirmi? - deyil. Doğmadan da doğma, ta könlümün dərinliyindən xoşbəxtliyini arzuladığım, amma qram cinsi cazibə olmayan o qədər qız dostlarım var ki. Onlarla da əlaqənin ayrı gözəlliyi var.
Dolayısılə, entrini bitirəsi olsam, demək istədiyim, insanlar arasındakı münasibətləri və xüsusilə də dostluğu təməl ehtiyac və instinktimiz olan bir şeyə mütləq qadağa qoyaraq çərçivələməyi düzgün görmədiyim idi. insanlar arası əlaqələr bu cür qəti qadağalar və sərhədlər qoyulacaq qədər bəsit deyil. Zatən başdakı tərifdə də deyilən o səmimiyyət, dürüstlük olduqdan, tərəflər də özlərini, hisslərini, hisslərini bilən biriləri olduqdan sonra bu cür sərhədləmələrə gərək də qalmır.
Xudahafiz.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
qeyd edim ki bu entry üçün heç bir mövhumu google-lamamışam. normal insan balası kimi yaşam müddəti boyunca təcrübə və müşahidə etdiklərimi yazıram. normal nədir necə olur artıq müəmmadır, nəysə.
hələ öz popolarımızı yumağı bacarmadığımız vaxtdan buyana gələn dostluğum var ki, bu dostluq sevgi,hörmət,mehriban münasibət,etibarlılıq və səmimiyyətdən daha artıq ət və dırnaq birləşməsidir. aramızda limitsiz açıqlıq olması, ilk dəfə sərxoş olmaqdan tutmuş, illegal həzz üsullarını yoxlamağa qədər hər şeyi bir yerdə yaşadığım insanla aramızda tək sərhəd seksdir. eyni evi bölüşmüşük, eyni divanda yatmışıq, eyni yerə eyni zamanda qusmuşuq amma aramızda seks olmayıb. o sevgilisindən ayrılıb qucağımda ağlayıb, mən sevgilimdən ayrılmışam onunla efkar masasına oturmuşam, uğursuz date-lərimizi danışmaq üçün vaxt olub ölkədən ölkəyə səyahət etmişik amma yenə də aramızda seks olmayıb. seks barəsində heç bir müzakirə yaxud xüsusi bir çaba sərf olunmadan, basdırılmış hisslər olmadan, həyat axınının bizi yoğurduğu ikimizə aid ortaq dəyəri paylaşırıq. seks sərhədinin onun üçün də mənim üçün də başqa şəxsə yönəlik qapısı var. bir-birinə qarşı doğma və rahat olan iki insan üçün sevişmək niyə problem olsun düşünən insanlar fikrimcə həqiqətən dostluq anlayışını google-dan oxuduqları kimi səthi qəbul edirlər. günümüz dünyasında illərə, xatirələrə və nəticədə ən əsas kökləşmiş hisslərə söykənməyən, sürətlənmiş və üstünə düşünülməyən ünsiyyətlər insanların həyat tərzinin böyük hissəsini tutur. elə həyatları "olsun bitsin" üstünədir. pornoya baxmaq "olsun bitsin" , bunu dostuna yönləndirmək ehtiyacı üçün dostluğu "sikib atmaq"deməkdir. dostu ilə cinsəl birləşmə yaşayandan sonra gedib kotangens həll edən, bu birləşməni cinsəlliyin və həzzin bir yardımlaşması sayan insan ya mənəvi cəhəttən yoxsun biridir, ya da elə dostluğun nə olduğundan bixəbərdir. ola bilər həyat tərzi cığırı ilə irəliləsin, hər iki tərəf də bunu normal qəbul eləsin. amma elə hər iki tərəf də mənəvi zənginlikdən məhrum cahildirlər. partnerlə dostu ayıran cəhət birindən uşaq doğura biləcəyin halda digəri ilə qorunaraq sevişməkdirsə, tüpürüm belə dostluğa da partnerliyə də, düşüncə tərzlərinə də. cinsəlliyə "ehtiyac" kimi baxan insanlar aralarında hörmət, güvən, səmimi münasibəti olan müəllimi, qonşusu yaxud iş yoldaşı ilə də sekslə məşğul ola bilər. təsəvvür edəndə sizə cazib gəlirsə heç olmaya adını dostluq qoymayaq. anlayışlar, şəxslər, münasibətlər "kaşa"ya dönür, bu gün sabah həmin adamların ən yaxınında sikməyə ailə üzvləri qalacaq, o da legallaşacaq, qınayanı daşa tutacaqlar (mədəm qalxır)
işin qəribə yanı bir insanın bəzi dostlara qarşı cinsəl istək hiss etmədiyi halda digər dostlarına yönəlik cinsəl arzuya sahib olması elə birinci olaraq onun işarəsidir ki, həmin insanlara ilkin yanaşması dostluq deyil. hər nədirsə adı, amma dostluq deyil. görünüşü cəlb edir, ətri cəlb edir, onu yataqda inildəyərək düşünürsənsə, əlavə olaraq ona qarşı romantik bir yaxınlıq bu hissləri dəstəkləmirsə, həmin şəxs sənin üçün pornodaki aktyordan fərqsizdir. pornodaki aktyoru yeyib-içməyə aparsam, klubda çılğınlar kimi birlikdə rəqs etsək o da mənə yoldaşlıq edər. yenə də dostum olmaz. dost başqa leveldir. düşüncəsi, həyat tərzi və əməkləri ilə insanlığa tövhə vermiş heç bir şəxsiyyətli insan intim həyatını bu cür dayaz sularda bu qədər bəsitlikdə yaşamayıb.
bəzi şeylər vardır ki, onu hardansa oxuyub öyrənmirsən. hiss edirsən. xarakterin və kimliyin, şəxsiyyətin və bədəninə üflənmiş sirrli iç güdülərin (bizim dildə ağlıma gəlmədi) sənə pıçıldayır, doğrudur ya yanlışdır. etməlisən yaxud etməməlisən. bədənin yaddaşı var. bədən karopka deyil kim gəldi girsin çıxsın, kimə gəldi bədəninə yaxın buraxasan, asan yolları seçəsən, "olsun,bitsin"ə məruz buraxasan. bədən yaxınlığı üçün xüsusi bir hissiyat, ünsiyyət növü və axışı var ki, bu nə dostun yolu ilə, nə də aşırı yad insanların (fahişələrin, günü birlik tanışlıqların) yolu ilə kəsişmir. avtopilotda orqanların funksiyalarını işlətmək istəyən işlətsin. özləri bilər. amma dostuna qarşı ereksiya olan, yaxud ayağını açan yeni legal anlayış olan fuckboddy-im var desin, nə pox yeyir yesin. dostluqdan dəm vurmasın. bədən birləşməsinin ruhla bağlantısı var. yataq məsələləri ancaq doyum və ehtiyaca yönəlmiş şəxslərdən, dostluq və səmimiyyət anlayışını da yatağa bağlayanlardan gerçək dünyada mənəvi və güvənli bir duruş gözləmirəm. hər anlayışı, hər hissi və hər şəxsi öz yerinə oturda bilməyən insanların acil eğitilməyə ehtiyacları var. bu insanlara kimin rolu nədir, kimə necə davranmaq olar, kimə olmaz, insanların həyatındaki rolu necə bölüşdürülür, necə ünsiyyət inşa edilir, hər şey orqan üstündə qurulmamalıdır, "olsun,bitsin" olmamalıdır, hər ehtiyac əslində ehtiyac deyildir, çatışmayan şeylərin yerini doldurmaq üçün ən asan yoldur, bu "ehtiyac"lara görə dəyərləri sikib atmaq insana yaxşılıq gətirməyəcəkdir, günü-gündən insan irqini məvhə aparacaqdır. eh, eh.
okaber demiş "buralar cəngəllikdi elə bil, çunqa-çanqa". cəngəllik mühitində dostluğu və seksi insanlığa uyğun yaşamaq da artıq qəliz məsələdir.
bu başlığı ilk görəndə yadıma liftdə öpüşən daydaylar düşdü, qulağımda da "yamanca yorulmuşam mən" mahnısı... sorry, eyyub.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yox, kapitan qrantın uşaqları
üzv ol